一千零一夜

11-Nov-2008

不少財經界朋友的生活,都像<一千零一夜>裡的Scheherazade公主般,靠講故仔求生,過得一日得一日。

「近排不停對客戶講故仔,講經濟明年復甦,股市好快反彈,平均成本分段入市…BahBahBah。老實講,幾時復甦,我真係唔知,不過我肯定銀行下個月又裁員,希望無我份吧。」小黃話。

做sell-side分析員的老友陳仔,日子也差不多。「雖然自己睇淡大市,但總要想些穩陣股份寫報告,唔通甚麼都不做等炒乎。」

事實上,今年(2008)投資股票真係想唔輸都幾難。以基金喜歡玩的中大價股(市值十億港元或以上)計,年初至十一月初,403隻股份中只有12隻有正回報。你話今年分析員選股要唔輸有幾難。九成七要輸錢,有錢賺都係得幾個巴仙。「Show must go on嘛」陳仔無奈嘆息。

「阿爺」推出万億方案對中環友也有些好處,最少暫時市場寄望中國經濟增長,好讓客戶安心點,財經友也能繼續有故仔講,吊着他們的胃口,大家份工能混下去。就像一千零一夜般,講吓就一日,講講吓就一千零一日,兩、三年後經濟也可能真的復甦了。