一千零一夜 (updated)

不少財經界朋友的生活,都像<一千零一夜>裡的Scheherazade公主般,靠講故仔求生,過得一日得一日。

「近排不停對客戶講故仔,講經濟明年復甦,股市好快反彈,平均成本分段入市…BahBahBah。老實講,幾時復甦,我真係唔知,不過我肯定銀行下個月又裁員,希望無我份吧。」Abby妹話。

做sell-side分析員的老友陳仔,日子也差不多。「雖然自己睇淡大市,但總要想些穩陣股份寫報告,唔通甚麼都不做等炒乎。」「Show must go on嘛」陳仔無奈嘆息。

近日朋友之中, 生意最忙碌的只有專做企業清盤的會計師. 搞銀行基金銷售的Abby妹正頭痛, 唔知還有甚麼能提起存户的興趣; 芬佬Chris正不停對客户講故事, 吹中國如何不受外圍影響, 阿爺救市如何拯救地球; sell-side分析員陳仔也想盡办法找些穩陣股份寫報告, 希望刺激些買賣, 淡市求存. 其他做private equity的朋友, 做企业融資搞上市的朋友, 通通都在陰乾.

市場寄望阿爺拯救地球, 好讓客戶安心點, 財經友也能繼續有故仔講, 吊着他們的胃口, 大家份工能混下去。就像一千零一夜般, 講吓就一日, 講講吓就一千零一日, 一、兩年後經濟也可能真的復甦了。

我最欣賞buy-side分析員Joel仔的做法. 「反正欠缺投資机會, 兼夾老板頭痕head count, 不如索性主動請半年停薪留職去南美州旅行.」 八十後一代的Joel仔正準備快快樂樂去旅行.